سؤال ١٧: كيف تكسر الخوف لما تبدأ وظيفة أو مشروع في مجال جديد؟

الجواب:

خذ الموضوع ببساطه وكل يوم بيومه. مو معناها أنك ما تفكر وتخطط لبكرة، ولكن لا تخلي التخطيط لبكرة يشغلك ويصعب عليك شغل يومك. تعرف على اللي يشتغلون معاك، وحاول تتألف معاهم وتكون علاقات معه. حاول توجد لك شخص في المنظومة يكون مرجعك واللي تساله عن الاشياء اللي ما تعرفها.

خلك وسط، لا تكثر اسئله وتبين قلة ثقتك في نفسك، فيه أشياء كثيرة راح تتوضح لك بنفسها وبدون شرح، فلا تستعجل. بعد لا تتفلسف وتحاول تثبت وجودك من اليوم الاول، تصرف بتواضع ومو عيب انك ما تعرف او تقول انك ما تعرف. وتذكر ان كل الناس وخصوصا اللي معاك في العمل كانوا في يوم من الايام في مكانك وربما كانوا في وضع اسوء منك.

خل عندك دفتر صغير تسجل فيه المعلومات اللي يقولونها لك الناس اللي تقابلهم او تجتمع معاهم. في البدايه كل اللي معاك بيحاولون يكونون رهيبين بزياده وبيشرحون لك تفاصيل كل شي، وهذا ماراح يثبت في مخك بدون ما تسجله في دفترك.

اترك رد